مصلحتكتجديد بطاقة الرقم القومي: الورق والخطوات والمصاريف
قبل ما تروح السجل المدني، دي كل التفاصيل اللي محتاجها لتجديد بطاقة الرقم القومي: الورق المطلوب، والرسوم، والخطوات بالترتيب. ولو بياناتك زي ما هي، غالبًا تقدر تجددها أونلاين وتوصلك لحد البيت.
الخدمة دي بتتعمل أونلاين بالكامل، من غير ولا مشوار. اعملها أونلاين من الموقع الرسمي
الأونلاين ينفع لو: تجديد مش أول مرة، ومامرش أكتر من ٧ سنين على البطاقة القديمة، والبيانات مطابقة لو البيانات اتغيرت أو البطاقة من ٧ سنين أو أكتر، هتحتاج تروح السجل المدني
الرسوم المتوقعة: تقريبًا ١٧٥ جنيه غير التوصيل والضرايب · الإصدار حوالي ٧ أيام عمل (تقديرية). الرسوم الحكومية بتتغير من وقت للتاني، والمبلغ النهائي بيتحدد وقت الدفع.
أصل بطاقة الرقم القومي القديمة
حتى لو منتهية
استمارة بطاقة رقم قومي
بتتشرى من السجل المدني وتتملى في المكان
إثبات مهنة أو جهة عمل
غالبًا مش بيطلبوه لو المهنة المسجلة زي ما هي، لكن خليه معاك احتياطي لو متاح
لو مهنتك نقابية زي دكتور أو مهندس أو محامي، خُد كارنيه نقابة ساري أو إفادة عضوية طالعة في نفس سنة التقديم لأن المستند القديم ممكن مايتقبلش.
خُد أصل البطاقة القديمة معاك، ولو متجوز خُد قسيمة الزواج كمان عشان دي من المستندات المطلوبة للتجديد.
لو هتغيّر الحالة الاجتماعية، ما تعتمدش على كلام أو صورة ورقة؛ هات أصل قيد الزواج أو الطلاق المصري المميكن عشان الطلب مايتعطلش.
الخطوات بالترتيب
روح السجل المدني ومعاك بطاقتك القديمة
اشتري استمارة التجديد العادية واملأ بياناتك
قدّم الاستمارة والبطاقة للموظف وخد إيصال الاستلام
استلم البطاقة الجديدة في الموعد المكتوب في الإيصال
غالبًا بعد حوالي ١٥ يوم
الرسوم التقريبية
حالتك مختلفة عن ده؟